Atyraýda ógeı ákesi qyzyna azǵyndyq jasady dep kúdikke ilindi

ATYRAÝ. KAZINFORM — Atyraý turǵynynan kámeletke tolmaǵan qyzyna azǵyndyq áreket jasalǵany týraly aryz túsken. Qazir polıtsııa qylmystyq is qozǵady.

Atyraý oblystyq polıtsııa departamentiniń baspasóz qyzmeti qylmystyq is qozǵalǵanyn rastady. 

— Qazir atalǵan oqıǵanyń tolyq mán-jaıyn anyqtaý úshin jan-jaqty jáne tıisti tergeý amaldary júrgizilip jatyr. Tergeý múddesi úshin ózge aqparat jarııalaýǵa jatpaıdy. Іshki ister organdary zań aıasynda tergeý amaldaryna qatysýshy barlyq tulǵanyń quqyqtary men tergeýdiń obektıvtiligin qamtamasyz etedi, — dep málim etti departamenttiń baspasóz qyzmeti.

Alaıda, kúdikti týraly málimetti naqtylaǵan joq. Keıbir telegram arnasyndaǵy aqparatqa qaraǵanda, kúdikti jasóspirimniń ógeı ákesi bolýy múmkin. 

Eske sala keteıik, buǵan deıin ІІM pedofılderdi ómir boıy baqylaýǵa alatyny habarlandy.