Atyraýda naızaǵaı jarqyly túsken jeke ıeliktegi turǵyn úı órtendi

ATYRAÝ. KAZINFORM – Atyraýda 2 qabatty turǵyn úıge naızaǵaı jarqyly tústi.

Atyraý oblystyq tótenshe jaǵdaılar departamentiniń ımıdjdik jumystar jáne syrtqy kommýnıkatsııalar tobynyń aqparatyna súıensek, oqıǵa keshe, 13 shildede bolǵan. 

– Keshki saǵat 19:47-de Atyraý qalasyndaǵy Hımıkter aýylynda turǵyn úıge naızaǵaı tústi. Sonyń saldarynan Táýke han kóshesinde ornalasqan 2 qabatty turǵyn úı órtendi. Oqıǵa ornyna órt sóndirý qyzmeti jedel jetip, jalyndy saǵat 20:23te oqshaýlady. Órt saǵat 20;59-da tolyqtaı sóndirildi, -dep habarlady departamenttiń ımıdjdik jumystar jáne syrtqy kommýnıkatsııalar toby. 

Jalyndy sóndirýge Atyraý oblystyq tótenshe jaǵdaılar departamentinen 18 qyzmetker, 4 tehnıka tartylǵan. 

Eske sala ketelik, buǵan deıin Atyraýda basseınge túsken 3 adam aýrahanaǵa jatqyzylǵanyn habarlaǵan bolatynbyz.