Atyraýda munaı tasıtyn tsısternalardy jýý-býlaý stansasy tekserilip jatyr

ATYRAÝ. KAZINFORM – Atyraýda munaı tasıtyn tsısternalardy jýý-býlaý stansasynda tekserý bastaldy. Sebep – tsısternalardy jóndeý qyzmetine joǵary baǵa belgilengen. 

Básekelestikti qorǵaý jáne damytý agenttiginiń Atyraý oblysy boıynsha departamentiniń aqparatyna qaraǵanda, tekserý zańdy tulǵanyń ótinishine sáıkes qolǵa alynǵan.  

– «Batys Petroleum» JShS-niń jýý-býlaý stantsııasyna qatysty tergep-tekserý bastaldy. Jospardan tys taldaý nátıjeleri boıynsha eki kemshilik anyqtaldy. Bul – munaı ónimderin tasymaldaýǵa arnalǵan vagon-tsısternalardy jóndeý qyzmetine monopolııalyq joǵary baǵany belgileý men qoldaýda kórsetilgen monopolııalyq jaǵdaıdy teris paıdalaný belgileri. Monopolııaǵa qarsy zańnamany yqtımal buzý faktisi tergeý aıasynda tekseriledi.  Monopolııalyq joǵary baǵanyń belgilengeni rastalǵan jaǵdaıda monopolııaǵa qarsy den qoıý sharalary qoldanylady. Onyń ishinde kompanııanyń jyldyq aınalymynyń 3-5% mólsherinde aıyppul salý, monopolııalyq kiristi tárkileý jáne baǵany ekonomıkalyq negizdelgen deńgeıge deıin tómendetý týraly nusqama berý bar, - dep málim etti departamentten. 

Eske sala ketelik, budan buryn Atyraýda suıytylǵan munaı gazyn saqtaıtyn kompanııa negizsiz kiris tapqanyn jazǵan edik.