Atyraýda múmkindigi shekteýli jandardy saýda ortalyǵyna kirgizbeı qoıǵan

«Biz de adambyz»  qoǵamdyq qorynyń qoǵamdyq oryndarǵa júrgizgen monıtorıngi kezinde múmkindigi shekteýli jandardyń saýda ortalyqtaryna kire almaǵany anyqtalǵan, dep habarlaıdy Kazinform.

Joba qatysýshylarynyń aıtýynsha, olar barǵan saýda ortalyǵynda pandýs joq. Biraq múgedekter arbasyna arnalǵan arnaıy kótergish qarastyrylǵan. 

- Biz qyzmetkerdi shaqyrý túımesin bastyq. Ol saýda ortalyǵynan arba kótergishti iske qosatyn qyzmetkerdi shaqyrýǵa arnalǵan. Biraq aldymyzdan kúzetshi áıel shyǵyp, kirmeı-aq qoıýymyzdy surady, - dedi joba uıymdastyrýshylary. 

Arbaǵa tańylǵan bir top adamdy kóre tura kirmeýin ótingen kúzetshi áıel suraqtaǵa jaýap bermesten qaıta kirip ketken. 

- Biz qoǵamdyq oryndardy aptasyna orta eseppen úsh ret baqylaımyz. Atyraý qalasy boıynsha 700-den astam nysanǵa monıtorıng júrgizildi. Monıtorıng barysynda osyndaı jaǵdaılar 70-75 ret kezdesti, - dedi «Biz de adambyz» qoǵamdyq qorynyń «Kedergisiz Atyraý» jobasynyń úılestirýshisi Ámir Talapov.