Atyraýda moınynda 43 aıyppuly bar júrgizýshiniń kóligi aıypturaqqa qoıyldy
ATYRAÝ. KAZINFORM – Atyraýda jol qozǵalysy erejelerin buzǵany úshin 2,7 mln teńge kóleminde ótelmegen aıyppuly bar júrgizýshiniń avtokóligi anyqtaldy. Kólik arnaıy turaqqa qoıyldy.
Polıtsııa departamentiniń málimetinshe, 23 qyrkúıek kúni saǵat 10:30 shamasynda Musa Baımuhanov kóshesi boıynda Jedel basqarý ortalyǵynyń qyzmetkerleri beınebaqylaý kameralary arqyly atalǵan kólikti anyqtaǵan.
Avtokólikke qatysty 43 ótelmegen ákimshilik aıyppul bolǵan. Aqparat patrýldik polıtsııa qyzmetkerlerine jedel túrde joldanyp, olar baǵyttama boıynsha kólikti toqtatqan.
Quqyq buzýshyǵa qoldanystaǵy zańnamaǵa sáıkes tıisti ákimshilik sharalar qabyldandy. Avtokólik arnaýly turaqqa qoıyldy.
Polıtsııa turǵyndardy jol qozǵalysy erejelerin saqtaýǵa jáne ákimshilik quqyq buzýshylyq úshin salynǵan aıyppuldardy zańda belgilengen tártippen ýaqtyly tóleýge shaqyrdy.
Tártip saqshylary beınebaqylaý júıeleri arqyly jol qozǵalysy erejeleriniń saqtalýyn baqylaý jáne bereshegi bar kólikterdi anyqtaý jumysy turaqty túrde júrgiziletinin atap ótti.
Jýyqta úkimet basshysy jol erejelerin qasaqana buzǵandarǵa aıyppul mólsherin eselep arttyrý qajettigin málimdegen edi.
