Atyraýda mototsıklmen shana súıregen brakonerlerden 530 keli balyq tárkilendi
ATYRAÝ. KAZINFORM – Kaspıı teńiziniń jaǵalaýyna jaqyn ornalasqan Janbaı aýylynyń mańynda 4 adamnan 530 keli balyq tárkilendi. Olar balyq salynǵan shanany mototsıklmen súırep kele jatqan.
Atyraý oblystyq polıtsııa departamentiniń baspasóz qyzmetinen málim etkendeı, Isataı aýdanynda «Ýral» mototsıkli toqtatylǵan. Mototsıklge tirkelgen shanada zańsyz aýlanǵan balyq bolǵan.
– Oblys aýmaǵynda 1-28 aqpan aralyǵynda tabıǵı resýrstardy zańsyz aınalymnan qorǵaý maqsatynda keń aýqymdy «Brakoner» jedel-profılaktıkalyq is-sharasy ótkizilip jatyr. Osyǵan oraı Isataı aýdanyndaǵy Janbaı aýyly mańynda reıdtik is-shara kezinde shana súırep kele jatqan «Ýral» mototsıkli toqtatyldy. Mototsıklde 4 adam, shanada 10 qapqa salynǵan 530 keli balyq bolǵan. Zańsyz balyq aýlaýshylardan 2 pyshaq, 2 dana radıoqabyldaǵysh tabyldy. Tárkilengen balyq «Tilekshi» JShS-niń tsehyna tapsyryldy, -dep habarlady departamenttiń baspasóz qyzmeti.
Qazir atalǵan derek boıynsha QR Qylmystyq kodeksiniń 335-babynyń 3-bóliginiń 4-tarmaǵymen qylmystyq is qozǵaldy. Polıtsııa qyzmetkerleri tergeý amaldaryn júrgizip jatyr.
– Azamattardy tabıǵatqa zııan keltiretin zańsyz áreketterden bas tartýǵa shaqyramyz. Brakonerlik áreketi úshin qylmystyq jaýapkershilik qarastyrylǵanyn eskertemyz, -dep málim etti departamenttiń baspasóz qyzmetinen.
Eske sala ketelik, buǵan deıin Atyraýda zańsyz balyq aýlaǵan brakonerler mototsıklin tastap qashyp ketkenin jazǵan bolatynbyz.