Atyraýda memlekettik qyzmet isteri departamentiniń basshysy qyzmetinen ketti
ATYRAÝ. KAZINFORM – Atyraý oblystyq memlekettik qyzmet isteri departamentiniń basshysy qyzmetinen ketti. Bul laýazymdy úsh jyldan beri Erlan Ermahanbetov atqarǵan edi.
Ol áleýmettik jelidegi paraqshasynda basqa laýazymǵa aýysýyna baılanysty Atyraý oblysyndaǵy qyzmetin aıaqtaǵany týraly jazba qaldyrdy.
«Úsh jyldan astam ýaqytta óńirde birge bolǵan, qoldaǵan dostaryma jáne eseli eńbek etken áriptesterime bek rızamyn, alǵysymdy bildiremin. Árqashan ilkimdi isterińizde irilik, tirshilikterińizde izgilik ketpesin. Tek jaqsylyq kórińizder», - dep jazba qaldyrdy ol áleýmettik jelidegi paraqshasynda.
Erlan Meıramhanuly Shymkent qalasynda dúnıege kelgen. Shymkent áleýmettik-pedagogıkalyq ýnıversıtetin «Memlekettik jáne jergilikti basqarý» mamandyǵy boıynga bitirgen. Sondaı-aq ekonomıka ǵylymdarynyń magıstri akademııalyq dárejesi bar.
Eńbek jolyn 2006 jyly OQMMA-nyń jastarmen jumys isteý boıynsha mamany qyzmetinen bastaǵan. A.ıAssaýı atyndaǵy HQTÝ-niń Oqý-klınıkalyq bazasynda Jastar isi boıynsha sektor meńgerýshisi bolǵan. 2013-2015 jyldary Shymkent qalasy, ál-Farabı aýdany ákimi apparatynyń halyqty áleýmettik qorǵaýǵa qoldaý kórsetý bóliminiń bas mamany, keıinen bólim basshysy laýazymyn atqarǵan.
Memlekettik qyzmet isteri jáne sybaılas jemqorlyqqa qarsy is-qımyl júıesinde 2015 jyldan bastap jumys isteıdi. 2015-2016 jyldary QR Memlekettik qyzmet isteri jáne sybaılas jemqorlyqqa qarsy is-qımyl agenttigi Ońtústik Qazaqstan oblysy boıynsha departamentiniń baspasóz hatshysy, 2016-2019 jyldary QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń ortalyq apparatynda Memlekettik qyzmetter kórsetý departamentiniń bas sarapshysy, bas konsýltanty bolyp jumys istegen.
2019-2021 jyldary QR Memlekettik qyzmet isteri agenttiginiń Túrkistan oblysy boıynsha departamenti basshysynyń orynbasary-Ádep jónindegi keńes hatshylyǵynyń meńgerýshisi laýazymyn atqarǵan.
Al, 2021 jylǵy shildede Atyraý oblystyq memlekettik qyzmet isteri departamentine basshy bolyp taǵaıyndalǵan edi.
