Atyraýda mekteptiń oqýshylaryn tasymaldaıtyn avtobýs jeke maqsatqa paıdalanylǵan

ATYRAÝ. KAZINFORM – Atyraý oblysynyń Bókeıhan aýylyndaǵy mekteptiń oqýshylaryn tasymaldaıtyn avtobýs jeke maqsatqa paıdalanylǵany anyqtaldy. Osyǵan baılanysty bilim ordasynyń dırektory qyzmetinen bosatyldy. 

Атырауда мектептің оқушыларын тасымалдайтын автобус жеке мақсатқа пайдаланылған
Иллюстративное фото: Управление образования Костанайской области

Áleýmettik jelidegi aqparatqa qaraǵanda, muǵalimder mektep avtobýsymen sadaqaǵa barǵan. Bul derek jurtshylyqtyń renishin týdyrdy. 

Máseleniń mán-jaıyn bilý úshin Qurmanǵazy aýdandyq bilim bóliminiń basshysy Edil Baıarovqa habarlasqan edik. Ol atalǵan mektep oqýshylaryn tasymaldaýǵa arnalǵan avtobýsty jeke maqsatqa paıdalaný deregi anyqtalǵanyn, dırektordyń qyzmetinen bosatylǵanyn rastady. 

– Bókeıhan aýylynda ornalasqan F.Ońǵarsynova atyndaǵy jalpy bilim beretin orta mektepte 350-den astam oqýshy dáris alady. Mekteptiń dırektory tarapynan oqýshylardyń qaýipsizdigin qamtamasyz etýge baılanysty kemshilik bar edi. Jaqynda mekteptiń oqýshylaryn tasymaldaýǵa bólingen avtobýsty jeke maqsatqa paıdalaný deregi anyqtaldy. Osyǵan baılanysty qyzmettik tekserý júrgizildi. Al dırektordyń basshylyq qyzmetin jalǵastyrý, ne bosatý máselesi Atyraý oblystyq bilim berý salasyndaǵy sapany qamtamasyz etý departamentiniń janyndaǵy ádep keńesinde qaraldy. Sol keńestiń sheshimimen dırektor qyzmetinen bosatyldy, - dep habarlady Edil Baıarov. 

Bilim ordasynyń basshysy mindetin atqarý dırektordyń orynbasaryna júktelgen. Al burynǵy dırektor atalǵan mektepte fızıka páninen dáris beredi. 

Bókeıhan – Qurmanǵazy aýdanynda Reseı Federatsııasymen shekaradaǵy Qıǵash ózenine taıaý ornalasqan aýyl. Munda Atyraý oblysy, Qurmanǵazy aýdanyndaǵy ákimshilik birlik. 2022 jylǵa deıin Baıda aýyldyq okrýgi dep ataldy. Buryn Baıda aýyldyq okrýgi, Kotıaev aýyly atalǵan edi. Al 2022 jyldan beri okrýgte de, aýyl da Bókeıhan esimimen atalady.

Aýyldyń irgesi 1870 jyldary qalanǵan. Qazir shekaradaǵy aýylda 1800-ge jýyq adam turady. Munda balalar baqshasy, mádenıet úıi, emhana, kitaphana, baılanys bólimi men sport kesheni jumys isteıdi. 

Eske sala ketelik, buǵan deıin dál osy aýdanda oqýshyǵa qol kótergen muǵalim ózge mektepke dırektor bolyp taǵaıyndalǵanyn jazǵan bolatynbyz

Сейчас читают