Atyraýda mektepke bomba qoıylǵany týraly jalǵan habar berilgen
ATYRAÝ. KAZINFORM — Atyraý qalasyndaǵy oqýshysy kóp mektepke bomba qoıylǵany týraly jalǵan habar berilgen. Bilim ordasynan jarylǵysh zat tabylǵan joq.
Atyraý oblystyq polıtsııa departamentiniń baspasóz qyzmetinen málim etkendeı, bul týraly búgin, 25 qańtarda saǵat 12:35-te 102 operatoryna habar túsken.
«Atyraý qalasyndaǵy mektepte anyqtaý, tekserý jáne evakýatsııalaý jumystary júrgizildi. Mektep ǵımaratynan eshqandaı jarylǵysh zat tabylǵan joq. Jalǵan habarlama berý deregi boıynsha tergep-tekserý júrgizilip jatyr», - dep habarlady departamenttiń baspasóz qyzmeti.
Belgili bolǵandaı, oqıǵa ál-Farabı atyndaǵy mektepte tirkelgen. Bilim ordasy ákimshiliginiń aqparatyna súıensek, algorıtmge sáıkes mekteptiń oqýshylary men ustazdary, tehnıkalyq qyzmetkerleri jedel evakýatsııalanǵan. Al, oblystyq tótenshe jaǵdaılar departamenti qoǵammen baılanys tobynyń málimetinshe, atalǵan mektepten órt týraly aqparat túspegen.
Eske sala ketelik, buǵan deıin mektepte bomba baryn habarlaǵan atyraýlyq psıhıatrııalyq stantsıonarǵa jatqyzylǵanyn jazǵan bolatynbyz.
