Atyraýda mas júrgizshi áýeli qoǵamdyq kólikti soǵyp, keıin jaıaý júrginshini qaqqan

ATYRAÝ. KAZINFORM – Atyraýda mas júgizýshi aldymen qoǵamdyq kólikti soqqan. Sonan soń jaıaý júginshi qaǵyp, oqıǵa ornynan qashyp ketken.

Atyraý qalalyq polıtsııa basqarmasy patrýldik polıtsııa batalonynyń rota komandıri Aman Ádilbaevtyń aıtýyna qaraǵanda, oqıǵa keshe, 17 qańtarda bolǵan. 

– Atyraý qalasynyń S.Datov kóshesinde ornalasqan S.Beıbarys meshiti tusynda saǵat 14:40 shamasynda VAZ – 2111 kóliginiń júrgizýshisi jolaýshylardy tasymaldap júrgen Yutong qoǵamdyq kólikti soqqan. Keıin jaıaý júrginshilerge arnalǵan jolaqtan ótip bara jatqan 25 jastaǵy jigit qaqqan. Biraq jeńil kólik júrgizýshisi oqıǵa ornynan qashyp ketken. Polıtsııa qyzmetkreleri jol-kólik oqıǵasyna kináli júrgizýshini S.Beıbarys jáne I.Taımanov kósheleriniń qıylysynda ustady, -dep habarlady Aman Ádilbaev. 

Onyń aıtýynsha, ustalǵan júrgizýshi medıtsınalyq saraptama jiberilgen. Saraptama qorytyndysymen 38 jastaǵy júrgizýshiniń orta dárejeli mas ekeni anyqtalǵan. 

– Mas júrgizýshiniń kóligi arnaıy turaqqa qoıyldy. Al júrgizýshige qatysty is qujattary jınaqtalyp jatyr. Júrgizýshilerge jol erejelerin qatań saqtap, kólikti mas kúıde aıdamaýdy eskertemiz, -dep málim etti Aman Ádilbaev.

Eske sala ketelik, budan buryn Atyraý oblysynda eskertýdi elemegen júrgizýshi jol apatynan kóz jumǵanyn jazǵan edik.