Atyraýda mádenıet basqarmasy qyzmettik úıdi úsh ese qymbatqa almaq bolǵan
ATYRAÝ.KAZINFORM - Byltyr Atyraý oblysy mádenıet jáne tilderdi damytý basqarmasy 10 qyzmettik baspanany naryqtaǵy baǵadan úsh ese qymbatqa satyp alýdy josparlaǵan. Bul maqsatqa 503 mln teńgege jýyq qarajat bólingen. Keıin bul protseske prokýrorlar aralasyp, memlekettik satyp alýdy toqtatqan.
- Osyǵan baılanysty prokýratýra tarapynan narazylyq engizilip, jergilikti atqarýshy organmen bıýdjet qarajaty únemdelip, máslıhat sessııasymen keri qaıtaryldy. Prokýratýranyń qadaǵalaý aktileri nátıjesinde únemdelgen bıýdjet qarajaty jergilikti atqarýshy organmen óńirdiń basym áleýmettik qajettilikteri men ınfraqurylymdyq baǵyttaryna qaıta bólindi, - dedi Atyraý oblysy prokýrorynyń aǵa kómekshisi Saıtdolla Dáýeshov.
Jalpy 2025 jyly ákimdiktiń bıýdjetti negizsiz josparlaýy saldarynan 12 mlrd teńgege zań buzýshylyq anyqtaldy.Oblystyq prokýratýra júrgizgen taldaý nátıjesinde memlekettik satyp alý salasyndaǵy zań talaptaryn buzǵany úshin 84 laýazymdy tulǵa ákimshilik jaýapkershilikke tartylǵan.
Osyǵan deıin elimizdiń bas prokýrory Berik Asylov prokýrorlyq qadaǵalaýdyń nátıjesin jarııalaǵan edi.