Atyraýda kúıeýinen zábir kórgen áıel arnaıy ortalyqqa ornalastyryldy

Atyraýda kúıeýinen zábir kórgen áıel zorlyq-zombylyqqa ushyraǵandarǵa kómek kórsetý ortalyǵyna ornalastyryldy, dep habarlaıdy Kazinform.

Oblystyq polıtsııa departamentiniń baspasóz qyzmetinen málim etkendeı, 31 jastaǵy áıeldiń otbasynda zorlyq-zombylyqqa ushyraǵany anyqtalǵan.

«Quqyq buzýshylyqtarǵa «nóldik tózimdilik» qaǵıdasyn nyǵaıtý, kósheler men basqa qoǵamdyq oryndarda tıisti qoǵamdyq tártipti saqtaý maqsatynda 20 qarashadan beri «Quqyqtyq tártip» jedel-profılaktıkalyq is-sharasy ótkizilip jatyr. Іs-shara kezinde №5 ýchaskelik polıtsııa beketiniń ýchaskelik polıtsııa qyzmetkerleri ıývenaldy polıtsııa jáne áıelderdi zorlyq-zombylyqtan qorǵaý tobynyń ınspektorlarymen birge reıdtik tekserýge shyqty. Tekserý kezinde 1984 jylǵy kúıeýinen 31 jastaǵy áıeldiń zorlyq-zombylyq kórgenin anyqtady. Áıel turmystyq zorlyq-zombylyqqa ushyraǵandarǵa kómek kórsetý ortalyǵyna ornalastyryldy», - dep habarlady departamenttiń baspasóz qyzmeti.

Al, onyń kúıeýine qatysty QR Ákimshilik quqyq buzýshylyq týraly is sotta qaraldy. Sottyń qaýlysymen 39 jastaǵy er adamǵa eskertý berilip, qorǵaý nusqamasymen Atyraý qalalyq polıtsııa basqarmasynyń esebine alyndy.

Sondaı-aq, sot 1992 jylǵy áıeldiń minez-qulqyna erekshe talap belgilendi.

Eske sala ketelik, budan buryn Atyraý oblysynda jyl basynan beri 686 alaıaqtyq qylmysy tirkelgenin habarlaǵan bolatynbyz.