Atyraýda Qurmanǵazy atyndaǵy dombyrashylar baıqaýynyń jeńimpazy anyqtaldy
Atyraýda qazaqtyń uly kompozıtory, kúıshi Qurmanǵazy Saǵyrbaıulynyń týǵanyna 200 jyl tlýyna dombyrashylardyń respýblıkalyq baıqaýy ótti. Baıqaýda Almaty oblysynyń ónerpazy Meıirbek Ázimbaev bas júldege ıe boldy, dep habarlaıdy Kazinform.
Dombyrashylardyń rsepýblıkalyq baıqaýyna Astana men Almaty qalasynan, Aqtóbe, Mańǵystaý, Batys Qazaqstan jáne Atyraý oblysynan 21 úmitker qatysty. Bul baıqaýdy D.Nurpeıisova atyndaǵy akademııalyq qazaq halyq aspaptar orkestri uıymdastyrdy.
Qazylar alqasynyń tóraǵasy tanymal kompozıtor, Qazaqstannyń eńbek sińirgen qaıratkeri Aıtqalı Jaıymovtyń aıtýynsha, baıqaýda dombyrashylarǵa hzgeshe talap qoıylǵan.
«Eń basty – burynnan jıi oryndalyp júrgen kúılerdi emes, kerisinshe, kóp estilmeı júrgen týyndylarǵa kóbirek mán berý. Mundaı talap sırek oryndalatyn shyǵarmalarǵa jańa lep berip, kıeli sahnaǵa qaıta oralýyna jol ashty. Bizdiń kúıshi babalarymyzdyń ártúrli taqyrypty qamtıtyn shyǵarmalary óte kóp. Sondaı shyǵarmalardyń barlyǵyn derlik jas urpaqqa dáriptep, stıli men oryndalý ereksheligin kórsetý qajet», - deıdi Aıtqalı Jaıymov.
Baıqaýda dombyrashylardyń oryndaýshylyq sheberligi, sahna mádenıetin saqtaý máneri saralandy. Qazylar alqasy baıqaýdyń bas júldesine almatylyq Meıirbek Ázimbaevty laıyq dep tanydy. Jeńimpazǵa 1 mln teńge tabys etildi.
Al, birinshi júldesiniń 800 teńgesin Atyraý qalasynyń ónerpazy Aqbóken Temir ıemdendi. Ekinshi júldege jergilikti eki dombyrashy – Nurlybek Nájekenov pen Nazerke Bazarbaeva ıe bolyp, árqaısysyna 600 myń teńge tabys etildi. Úshinshi orynnyń 400 myń teńgesin almatylyq Lázzat Aqıhat pen Nuraı Zınor ıelendi.
Atyraýlyq Serik Álibekovke baıqaýdyń úshinshi orny, Qurmanǵazy atyndaǵy qazaq memlekettik akademııalyq halyq aspaptary orkestriniń arnaıy júldesi tabystaldy. Sondaı-aq, Qurmanǵazy atyndaǵy arnaıy júldeniń 200 myń teńgelik syıaqysymen astanalyq Qaırat Jumaǵalıev pen almatylyq Arsen Tursyn marapattaldy.
«Qazaqtyń belgili óner maıtalmandarynyń aldynda óner kórsetý ońaı bolmady. Baıqaýdaǵy ár kezeńniń ózindik qıyndyǵy bar. Qobaljý, ýaıymdaý sekildi sezimdi bastan keshtik. Sonyń bári artta qaldy. Eń bastysy bul baıqaýda sheberlik shyńdadyq», - deıdi bas júldeger Meıirbek Ázimbaev.
Eske sala ketelik, buǵan deıin Dıdar Qamı Atyraýdaǵy halyqaralyq aıtystyń bas júldesine ıe bolǵanyn jazǵan edik.