Atyraýda qurylys alańynda 5-qabattan qulaǵan jigitke ota jasaldy

ATYRAÝ. KAZINFORM – Atyraýda salynyp jatqan qurylys alańynda eki jumysshy 5-qabattan qulaǵan. Onyń biri oqıǵa ornynda kóz jumdy. Al ekinshisi aýrýhanaǵa tústi.

Atyraý oblystyq densaýlyq saqtaý basqarmasy baspasóz qyzmetiniń málimetine qaraǵanda, aýrýhanaǵa jetkizilgen jigit aıaǵynan jaraqat alǵan. 

– Dárigerler tarapynan jedel medıtsınalyq kómek kórsetip, qajetti tekserýler júrgizdi. Naýqasqa josparly túrde ota jasaldy. Sonyń nátıjesinde jaraqat orny tekserilip, gıpstik tańǵysh salyndy. Qazir naýqastyń jaǵdaıy turaqty, dárigerlerdiń jiti baqylaýyna alyndy, - dep habarlady basqarmanyń baspasóz qyzmeti. 

Al oblystyq polıtsııa departamentiniń baspasóz qyzmeti atalǵan derekke baılanysty qylmystyq is qozǵalǵan. 

– Qazir sot-medıtsınalyq saraptama taǵaıyndaldy. Qylmystyq is qozǵaldy. Soǵan sáıkes keshendi tergeý amaldaryn júrgizý bastaldy, - dep málim etti departamenttiń baspasóz qyzmetinen. 

Eske sala ketelik, buǵan deıin Atyraýdaǵy qurylys alańynda 2 jumysshy 5-qabattan qulap, 1-eýi kóz jumǵanyn jazǵan edik.