Atyraýda qosymsha áýe reısteri eki ese kóbeıip, 5 kúnde 8 300 jolaýshy ushqan

ATYRAÝ. KAZINFORM – Atyraýda qosymsha áýe reısteri eki ese kóbeıgen. Bes kúnde áýe reısterimen 8 300 jolaýshy ushty.

H.Dospanova atyndaǵy Atyraý halyqaralyq áýejaıynyń ushý qaýipsizdigi jónindegi ınspektory Andreı Vengrınıýktiń málimetine súıensek, 10 sáýirde qosymsha áýe reısteri kóbeıtilgen.

«Tabıǵı sıpattaǵy tótenshe jaǵdaı rejımi aıasynda 10 sáýirde Almaty, Astana, Aqtaý, Shymkent qalalaryna qosymsha reıster ashyldy. Máselen, 10-15 sáýir aralyǵyndaǵy kezeńde qosymsha reısterdiń sany eki ese kóbeıtildi. Qosymsha reıstermen 8 300 jolaýshy ushty. Bul jergilikti halyqaralyq áýejaıdyń jumysyna keri áserin tıgizgen joq. Áýejaı shtattyq rejımde jumys istep tur», - dedi Andreı Vengrınıýk.

Eske sala ketelik, buǵan deıin Atyraý men Almaty arasynda qosymsha poıyz jolǵa shyǵatyny habarlanǵan edi.