Atyraýda kópqabatty úıde órt shyǵyp, 11 adam qutqaryldy

ASTANA. KAZINFORM — Túnde 112 pýltine Atyraý qalasynyń bir aýdanynda bes qabatty turǵyn úıdiń 1-qabatyndaǵy páterde órt shyqqany týraly habar túsken.

Oqıǵa ornyna TJM-niń kúshteri sondaı-aq medıtsınalyq kómek ortalyǵynyń mamandary jedel jetti.

Órt sóndirýshiler saty arqyly qutqarý qalpaqtaryn paıdalana otyryp, onyń ishinde eki bala bar 7 adamdy qutqaryp, olardy odan ári tekserý úshin jedel medıtsınalyq járdem brıgadasyna tapsyrdy. Sonymen qatar avtosatynyń kómegimen taǵy tórt adam qutqaryldy, olardyń ishinde bir bala bar.

Órt sóndirý bólimsheleriniń shuǵyl jáne úılesimdi áreketteriniń arqasynda órt tolyqtaı sóndirildi. Órttiń shyǵý sebebi anyqtalyp jatyr.

Aıta ketelik Astanada «Gamma» turǵyn úı kesheninen órt shyqqan edi.