Atyraýda Kongo-Qyrym qyzbasyn juqtyrǵan naýqas aýrýhanadan shyqty
ATYRAÝ. KAZINFORM — Atyraýda Kongo-Qyrym gemorragııalyq qyzbasy dıagnozy qoıylǵan naýqas aýrýhanadan shyǵaryldy.
Isataı aýdanynyń turǵyny 11 tamyzda medıtsınalyq kómekke júginip, jaǵdaıynyń aýyrlyǵyna baılanysty Atyraý oblystyq ınfektsııalyq aýrýhanasynyń jansaqtaý bólimine jatqyzylǵan. 15 tamyzda naýqastan Kongo-Qyrym gemorragııalyq qyzbasy zerthanalyq jolmen rastaldy. Dárigerler naýqasqa qajetti em júrgizip, jaǵdaıyn turaqty baqylaýda ustady. Em nátıjesinde onyń densaýlyǵy jaqsaryp, 24 tamyzda jansaqtaý bóliminen oqshaýlanǵan palataǵa aýystyrylǵan.
— Keshendi emnen keıin naýqastyń jaǵdaıy tolyq turaqtanyp, 31 tamyzda statsıonardan shyǵaryldy. Naýqasqa aýrýhanadan shyǵarylǵan kezde tıisti medıtsınalyq usynymdar berilip, turǵylyqty mekenjaıy boıynsha odan ári ambýlatorııalyq baqylaýǵa joldandy, — dep habarlady oblystyq densaýlyq saqtaý basqarmasy.
Al aýrý juqtyrý qaýpi bolyp, degenmen keıin qyzba rastalmaǵan patsıent ótken apta aýrýhanadan shyǵarylǵan.
Aıta keteıik, eki naýqas ta bir otbasynyń músheleri ekeni belgili boldy.
