Atyraýda qonaqúı órtendi
ATYRAÝ. KAZINFORM – Atyraý qalasyndaǵy K. Smaǵulov kóshesinde ornalasqan qonaqúı ǵımaratynan órt shyqty.
Tótenshe jaǵdaılar departamentiniń málimetinshe, órt bir qabatty ǵımaratta bolǵan. Oqıǵa ornyna órt sóndirý bólimsheleri jedel jetip, órtti sóndirýge kirisken.
Qutqarýshylardyń jumysyn úılestirý úshin jedel shtab qurylǵan.
- Órt tolyq sóndirildi. Oqıǵa saldarynan qaza tapqandar men zardap shekkender joq. Qyzyl jalyndy aýyzdyqtaýǵa TJM-niń 30 qyzmetkeri men 9 tehnıkasy jumyldyryldy,-dep habarlady TJD baspasóz qyzmeti.
Buǵan deıin TJM sanıtarlyq avıatsııasy aıyna 40-qa jýyq shuǵyl reıs oryndaıtynyn jazǵan edik.
