Atyraýda kompanııa menedjerin qatygezdikpen óltirgen kúdiktiniń isi sotqa joldandy

ATYRAÝ. KAZINFORM – Sáýirdiń sońynda Atyraý qalasyndaǵy elıtalyq turǵyn úı kesheninde áıeldi kúdikti qamaýǵa alynǵan edi. 

Atyraý oblystyq polıtsııa departamentiniń baspasóz qyzmetiniń málimetinshe, 29 sáýirde kúdikti áıeldi úıinde qatygezdikpen óltirgen.

– Krımınaldyq polıtsııa basqarmasy qyzmetkerleri 1979 jylǵy áıeldi turǵyn úıinde óltirgen 1987 jylǵy kúdiktini ustap, qamaýǵa aldy. Odan zattaı aıǵaqtar tabylyp, tárkilendi. Kúdiktige qatysty QR Qylmystyq kodekstiń 99-babynyń 2 bóligimen (Adam óltirý) qylmystyq is tirkeldi. Keshendi tergeý amaldary júrgizilip jatyr, - dep habarlaǵan edi departamenttiń baspasóz qyzmeti.

Jurtshylyq arasynda rezonas týdyrǵan qylmystyq is sotqa joldandy. Qylmystyq is birneshe bappen tergelgen. 

Atyraý oblystyq sotynyń baspasóz qyzmeti qylmystyq istiń sotqa túskenin rastady. Biraq, qylmystyq istiń qashan qaralatynyn naqtylamady. 

Keıbir BAQ pen telegram arnalarynda taraǵan aqparatqa qaraǵanda, atalǵan qylmystyq is jabyq rejimde ótýi múmkin. 

Eske sala ketelik, budan buryn Atyraýda áıeldiń ólimine baılanysty qylmystyq is qozǵalǵanyn jazǵan edik. 

Keıin Atyraýda 46 jastaǵy áıeldi óltirgen kúdikti qamaýǵa alyndy.