Atyraýda kolonııa mańynan túıinshegi bar dron anyqtaldy
ATYRAÝ. KAZINFORM — Atyraýda Ulttyq ulannyń áskerı qyzmetshisi qylmystyq-atqarý júıesi mekemesine jaqyn mańnan túıinshegi bar ushqyshsyz ushý apparatyn anyqtady.
Oqıǵa saǵat 08:30 shamasynda bolǵan. QR ІІM Ulttyq ulany «Batys» óńirlik qolbasshylyǵynyń 5546 áskerı bóliminiń leıtenanty Mıras Iskazıev № 15 mekemesinen shamamen bir shaqyrym qashyqtyqta qyzmet atqaryp júrgen kezde jerde jatqan oramy bar drondy baıqaǵan.
Tekserý kezinde túıinshektiń ishinen ósimdik tektes jasyl tústi zat salynǵan 11 paket tabylǵan. Áskerı qyzmetshi anyqtalǵan zat týraly kezekshi qyzmetke dereý baıandaǵan. Oqıǵa ornyna tıisti qyzmetter shaqyrylyp, qaýipsizdik sharalary qabyldandy.Tabylǵan zat odan ári tekserý jáne tıisti sharalar qabyldaý úshin quzyretti organdarǵa tapsyryldy.
Oqıǵa boıynsha tekseris bastaldy.
Buǵan deıin beıtanys azamattar erler túrmesine dron arqyly úsh uıaly telefon kirgizbek bolǵan edi.
