Atyraýda kolledjdiń birinshi kýrsynda oqıtyn stýdent soqqyǵa jyǵyldy

Atyraýda agro-tehnıkalyq kolledjdiń bes stýdenti birinshi kýrsta oqıtyn bozbalany soqqyǵa jyqqan, dep habarlaıdy Kazinform.

Atyraý oblystyq polıtsııa departamentiniń baspasóz qyzmeti rastaǵan málimetke qaraǵanda, oqıǵa 28 jeltoqsanda bolǵan. 

«Búgin jergilikti ýaqytpen saǵat 13:00 shamasynda Atyraý agro-tehnıkalyq kolledjiniń 1 kýrsynda oqıtyn​ stýdentiniń soqqyǵa jyǵylǵany anyqtaldy. Osyǵan baılanysty quqyq buzýshylyq jasady degen kúdikpen atalǵan​ oqý ornynyń 5 stýdenti polıtsııa bólimine jetkizildi. Soqqydan soń zardap shekken 1 kýrs stýdenti oblystyq aýrýhanaǵa jetkizilip, medıtsınalyq tekserýden ótkizildi. Dárigerler soqqyǵa jyǵylǵan stýdenttiń​ jeńil dene jaraqatyn alǵany týraly anyqtama berdi», - dep habarlady departamenttiń baspasóz qyzmeti. 

Polıtsııa qyzmetkerleri tıisti tergep-tekserý amalyn bastady.