Atyraýda kolledj stýdentteri úshin ashyq sot protsesi onlaın kórsetildi

ATYRAÝ. KAZINFORM – Atyraý oblysynyń prokýratýrasy kámeletke tolmaǵandardyń isteri jónindegi mamandandyrylǵan aýdanaralyq sotymen birlesip, kolledj stýdentteri úshin ashyq sot protsesin uıymdastyrdy. Bul týraly Qazaqstan Bas prokýratýrasynyń baspasóz qyzmeti habarlady. 

Atalǵan is-sharaǵa tórt joǵary kolledjdiń shamamen 2 myń stýdenti onlaın rejıminde qatysty jáne sot otyrysyn tikeleı kórdi. 

Bul sharanyń basty maqsaty – jastardyń quqyqtyq mádenıetin qalyptastyrý jáne quqyq buzýshylyqtardyń aldyn alý. Ashyq sot otyrysyn kórsetý arqyly quqyqtyq tárbıe zamanaýı ádistermen júzege asyryldy.

Sot otyrysynda sottalýshylar 10 adam, onyń ishinde 1 kámeletke tolmaǵan, adamdar tobymen densaýlyqqa qasaqana aýyrlyǵy ortasha zııan keltirý jáne buzaqylyq faktileri boıynsha qylmystyq quqyq buzýshylyq jasaǵany úshin kináli dep tanyldy. Olarǵa úsh jyldan alty jylǵa deıingi merzimge bas bostandyǵynan shekteý jazalary taǵaıyndaldy. 

Atyraý oblysynyń prokýratýrasy turǵyndardy zań talaptaryn qatań saqtaýǵa jáne quqyq buzýshylyqtyń kez kelgen kórinisine tózbeýshilik tanytýǵa shaqyrady. Bul sharalar qoǵamdyq tártip pen qaýipsizdikti qamtamasyz etýge baǵyttalǵan.

Buǵan deıin Qazaqstan Respýblıkasynyń Qarjylyq monıtorıng agenttigi Qazaqstan Respýblıkasynyń azamaty Qamza Qaısar Baqytjanulyna halyqaralyq izdeý jarııalaǵanyn jazǵan edik.