Atyraýda kólik qaǵyp ketken áıel oqıǵa ornynda kóz jumdy
ATYRAÝ. KAZINFORM – Atyraý qalasyndaǵy Vodnık-3 yqshamaýdanynda jaıaý júrginshini kólik qaǵyp ketti. Oqıǵa saldarynan áıel kóz jumdy.
Atyraý oblystyq polıtsııa departamentiniń habarlaýynsha, jol-kólik oqıǵasy 11 qarasha kúni saǵat 06:30 shamasynda bolǵan. Hyundai Tucson avtokóliginiń júrgizýshisi jaıaý júrginshini qaǵyp ketken. Saldarynan áıel oqıǵa ornynda kóz jumdy.
- Atalǵan derek boıynsha qylmystyq is qozǵaldy. Qazir sotqa deıingi tergeý júrgizilip jatyr. Ózge aqparat tergeý múddesine sáıkes jarııalaýǵa jatpaıdy, - dep málimdedi oblystyq PD baspasóz qyzmeti.
Aldyn ala málimet boıynsha, kólik tizgininde Atyraý qalasyndaǵy Vodnık yqshamaýdanynda ornalasqan 5546 áskerı bóliminiń sarbazy bolǵan.
Buǵan deıin Ekibastuzda temirjol stansasynyń jumysshysy vagon astynda janshylyp, kóz jumǵanyn jazǵan edik.
