Atyraýda kóktaıǵaqqa baılanysty qozǵalys qıyndap, oqýshylar qashyqtan oqıtyn boldy
ATYRAÝ.KAZINFORM - Búgin Atyraý qalasynda jańbyr jaýyp, keshkilik aýa temperatýrasynyń tómendeýine baılanysty kóktaıǵaq bolyp jatyr. Kólik pen jaıaý júrginshilerdiń qozǵalysy qıyndady.
Qazirgi ýaqytta qalaǵa qarasty aýyldyq okrýgterge qatynaıtyn joldarǵa arnaıy reagent sebý jumysy júrip jatyr. Buǵan deıin bul jumys qala ishinde jasalǵan. Ákimdiktiń baspasóz qyzmeti taratqan aqparatqa súıensek, bul jumysqa 10 tehnıka jumyldyrylǵan.
Qazgıdromettiń aqparatyna súıensek, 15 qańtar túni synyp baǵanasy -6 gradýsqa deıin salqyndap, tuman túsýi yqtımal. Shyǵystan soqqan jeldiń jyldamdyǵy 5-10 m/s. Erteń kúndiz de osyndaı kún raıy saqtalýy yqtımal.
Atyraý oblysy ákimdigi 15 qańtarda qaladaǵy 71 mektep qashyqtan oqý formatyna kóshireletindigin málimdedi.
Búgin saǵat 20:30-da kún raıynyń buzylýyna baılanysty Aqtóbe – Atyraý – RF shek» avtojolynyń 621-841 shaqyrymy (Atyraý qalasynan Qurmanǵazy aýylyna deıin) aralyǵy jabyldy.
Osyǵan deıin 15 qańtarda astanalyq oqýshylar men stýdentter qashyqtan oqýǵa kóshetinin habarlaǵan edik.