Pavlodar bıligi tramvaı parkin jańartýǵa 48,9 mlrd teńge baǵyttamaqshy
PAVLODAR. KAZINFORM — Pavlodar qalasy tramvaı parkin aýqymdy túrde jańartýdy josparlap otyr. Shahar qarjylyq lızıng arqyly Belarýs óndirisinen shyqqan «BKM T811» modeldi 65 jańa tramvaı satyp alýdy kózdep otyr.
Jobany júzege asyrýǵa jalpy somasy 48,9 mlrd teńge qarastyrylǵan. Bul qarajat jeti jyl boıy bólinip tólenedi.
Jańa tramvaılarǵa baılanysty memlekettik satyp alýdy Pavlodar qalasynyń turǵyn úı-kommýnaldyq sharýashylyq, jolaýshylar kóligi jáne avtomobıl joldary bólimi jarııalady. Ótinimderdi qabyldaý 14 tamyzda bastalyp, bir aptaǵa sozylady.
Tehnıkalyq erekshelikterine súıensek, bir vagonnyń quny qosylǵan qun salyǵynsyz 490 mln teńgeni quraıdy. 65 tramvaıdyń jalpy quny 31,85 mlrd teńgege baǵalansa, lızıng shartnamasy boıynsha syıaqy mólsheri 17,065 mlrd teńgeni quraıdy.
Lızıng merzimi 84 aıǵa (7 jyl) eseptelgen, al negizgi qaryzdy óteý 2027 jyldyń qarasha aıynan bastalady. Kelisimshart qazynashylyq organdarynda tirkelgennen keıin barlyq tramvaı 365 kún ishinde jetkizilýi tıis. Deıturǵanmen merziminen buryn jetkizýge de ruqsat berilgen.
Jańa vagondar tómen edendi, syıymdylyǵy 120 jolaýshyǵa arnalǵan jáne avtonomdy júris júıesimen jabdyqtalǵan. Sonymen qatar olar múmkindigi shekteýli jandardyń qatynaı alýyna tolyq beıimdelgen. Kepildik merzimi árbir tramvaı úshin eki jyldy nemese 140 myń shaqyrym júristi quraıdy.
Eske sala keteıik bıyl Pavlodarǵa jańa tramvaılar jetkizildi.
Al sáýir aıynda Pavlodar tramvaı parki oblystyń kommýnaldyq menshigine ótti.
