Atyraýda qyrkúıekte ystyq sý 10 kúnge toqtaıdy
ATYRAÝ.KAZINFORM - Atyraý qalasynda ystyq sý berý jumysy ýaqytsha toqtaıdy. Alǵashynda bul shara tamyz aıyna josparlanǵan. Belgisiz sebeppen qyrkúıekke aýysty.
«Atyraý jylý júıeleri» JShS málimetinshe, qaladaǵy barlyq jylý pýnktinen ystyq sý berý 2-12 qyrkúıek aralyǵynda ýaqytsha toqtatylady.
Kommýnaldyq mekemeniń baspasóz qyzmeti ystyq sýdy ýaqytsha toqtatý týraly sheshimniń sebebin túsindirmedi.
Buǵan deıin Almatynyń Bostandyq aýdanynda ýaqytsha sý berý shekteletinin jazdyq.
