Atyraýda qylmystyq top quryp, salyq tóleýden jaltarǵan kúdiktige izdeý jarııalandy

ATYRAÝ. KAZINFORM – Atyraýda qylmystyq top qyzmetin uıymdastyrý, salyq tóleýden jaltarý, qylmystyq jolmen alynǵan aqshany jylystatý kúdigine ilingen bıznes-menedjerge qatysty tergeý aıaqtaldy.

Bul týraly Qarjylyq monıtorıng agenttigi Atyraý oblystyq ekonomıkalyq tergep-tekserý departamentinen habarlady. 

– «KSS» JShS-niń burynǵy bıznes-menejderi Barlyq Meńdiǵazıevke qatysty QR Qylmystyq kodeksiniń 262-babynyń 1-bóligimen, 245-babynyń 3-bóligimen, 218-babynyń 3-bóliginiń 2 jáne 3-tarmaǵymen (Qylmystyq toptyń qyzmetin uıymdastyrý, salyq tóleýden jaltarý jáne qylmystyq jolmen alynǵan aqshany jylystatý) qozǵalǵan sotqa deıingi tergeý aıaqtaldy. Kúdikti Qazaqstan Respýblıkasynyń aýmaǵynan tys jerde bolǵandyqtan, halyqaralyq izdeý jarııalandy, -dep málim etti jergilikti departamentten. 

Eske sala ketelik, budan buryn Atyraýda zańsyz qumar oıynǵa aqsha qabyldaǵan kassırge 738 myń aıyppul salynǵan habarlaǵan bolatynbyz.