Atyraýda QazTransOıl qyzmetkeri senbilik kezinde kóz jumdy
ATYRAÝ.KAZINFORM - Atyraý oblysy Jylyoı aýdanynda ótken senbilikterdiń birinde QazTransOıl kompanııasynyń qyzmetkeri kóz jumdy. Bul jaǵdaıdy kompanııa rastady.
Qaıǵyly jaǵdaı sáýir aıynyń sońynda bolǵan. Aldyn ala málimet boıynsha, senbilik kezinde qyzmetkerlerdiń biri aýyr júk kóliginiń astynda qalǵan. PD baspasóz qyzmeti osy jaǵdaıǵa baılanysty QR Qylmystyq qodeksiniń 104-baby (abaısyzda qazaǵa ushyratý) boıynsha is qozǵalǵanyn aıtty.
- «QazTransOıl» AQ qyzmetkerdiń otbasyna barlyq qajetti qoldaýdy kórsetip jatyr. Qazirgi ýaqytta kompanııa oqıǵanyń sebepterin jan-jaqty anyqtaý maqsatynda memlekettik organdarmen tyǵyz jumys júrgizýde. Tergeý aıaqtalǵanǵa deıin jazataıym oqıǵanyń mán-jaıy jarııa etilmeıdi, - dep málimdedi kompanııa.
Buǵan deıin Atyraýdaǵy ortalyq kópirde toq soqqan azamattar kinálilerdiń zań aldynda jaýap bergenin qalaıtyny týraly jazǵan edik.
