Atyraýda «QazAvtoJol» enshiles uıymynyń bas býhgalteri 35 mln teńge jymqyrǵan

Atyraý kólik prokýratýrasy óńirdegi Ekonomıkalyq tergep-tekserý departamentimen birlesip júrgizgen prokýrorlyq tekserý barysynda «QAJservıs» JShS fılıalynyń 34,8 mln teńge kólemindegi qarajatyn jymqyrý deregin anyqtady. Bas býhgalter zańsyz túrde tólemderdi eseptep, uıymnyń qarajatyn óziniń jeke banktik shotyna aýdaryp otyrǵan. Atalǵan derek boıynsha sotqa deıingi tergep-tekserý júrgizildi.

— Atyraý qalasynyń № 2 sotynyń úkimimen ol QR QK-niń 189-babynyń 4-bóliginiń 2)-tarmaǵymen kináli dep tanylyp, oǵan materıaldyq jaýapkershilikpen baılanysty qyzmetpen aınalysý quqyǵynan bes jyl merzimge aıyra otyryp, bes jylǵa bas bostandyǵynan aıyrý jazasy taǵaıyndaldy. «QAJservıs» JShS-niń materıaldyq zalaldy óndirý týraly azamattyq talap aryzy tolyq kólemde qanaǵattandyryldy. Úkim zańdy kúshine engen joq, — delingen habarlamada.

Osyǵan deıin Abaı oblysynda 8,3 mln teńge jymqyrǵan sport mektebiniń býhgalteri sottalǵanyn jazǵanbyz.