Atyraýda qaýipti útikti satqan kásipker 672 myń teńge aıyppul tóledi

Atyraýlyq kásipker qaýipti útikti satqan 672 myń teńge aıyppul tóledi, dep habarlaıdy Kazinform.

Atyraý oblysy boıynsha tehnıkalyq retteý jáne metrologııa departamentiniń málimetinshe, kásipker Qytaıda shyǵarylǵan ORM-088 «ORVICA» markaly elektrli útikti satqan. Alaıda, bul útiktiń Keden odaǵynyń tehnıkalyq reglamentiniń qaýipsizdik talaptaryna sáıkes kelmeıtini anyqtalǵan.

«Elimizde «Tehnıkalyq retteý týraly» zańnyń 35-babyna sáıkes baǵalaýdan ótpegen, sáıkestikti baǵalaý týraly qujattarsyz, tehnıkalyq retteý, Eýrazııalyq ekonomıkalyq odaqtyń sáıkestikti baǵalaý týraly qabyldanǵan qujattarynyń biryńǵaı tizilimderinde osyndaı qujattardyń bar-joǵy týraly málimetter bolmaǵan kezde ónimdi aınalysqa shyǵarýǵa tyıym salynady. Tekserý kezinde bul jabdyqta órtke qarsy qaptama jáne toq soǵýdan qorǵaý úshin qajetti jerge qosý symy bolmaǵany anyqtaldy. Sol sebepten, quqyq buzýshyǵa QR Ákimshilik quqyq buzýshylyq týraly kodeksiniń 415-babynyń 1-bóligimen 672 myń 750 teńge mólsherinde aıyppul salyndy. Aıyppul tolyq kólemde tólendi», -dep habarlady departamenttiń baspasóz qyzmeti.

Eske sala ketelik, budan buryn Atyraýda Reseıden ákele jatqan hımıkatqa berilgen qorytyndy kúmán týdyrǵanyn habarlaǵan bolatynbyz.