Atyraýda qatarlasyn pyshaqtaǵan oqýshynyń isi sotqa jetti
ATYRAÝ. KAZINFORM — Atyraý oblysynyń qylmystyq ister jónindegi mamandandyrylǵan aýdanaralyq sotyna Binom School oqýshysyna jasalǵan shabýylǵa qatysty qylmystyq is tústi. Aıyptalýshy retinde 15 jastaǵy oqýshydan jaýap alynady.
Atyraý oblystyq sotynyń baspasóz qyzmeti istiń sotqa túskenin rastady. Protsess jabyq ótedi.
Aldyn ala málimet boıynsha, oqýshyǵa QR Qylmystyq kodeksiniń 24-babynyń 3-bóligi (Qylmysqa daıyndalý jáne qylmysqa oqtalý) jáne 99-babynyń 3-bóligi (Jas balany óltirýge áreket jasaý) boıynsha aıyp taǵylyp otyr.
Eske salaıyq, qandy oqıǵa 13 naýryz kúni jeke mektepterdiń birinde boldy. 9 synyp oqýshysy 8 synypta oqıtyn qyzdy pyshaqtaǵan. Aýyr jaraqat saldarynan ol aýrýhanaǵa túsken edi.
