Atyraýda qarashada qysqy maýsymda jol sebetin 400 tonna tuz jetkiziledi
ATYRAÝ. KAZINFORM – Atyraý qalasyna qarashada qysqy maýsymda jolǵa sebetin 400 tonna tuz qajet. Tuzdy qarashada Inder aýdanynan jetkizý kózdelip otyr.
«Arnaýly avtobaza» JShS dırektory Almas Іzteleýovtiń aıtýynsha, sońǵy eki jylda qardyń kóp mólsherde jaýǵany baıqalǵan.
«Osyǵan baılanysty qysqy maýsymǵa ázirlikti erte bastadyq. Qazir kásiporynda 800 adam jumys isteıdi. Balansta 80-nen astam túrli kólik bar. Onyń ishinde jol tazalaıtyn, júk tıeıtin, qar jınaıtyn arnaıy 46 tehnıka daıyn tur. Osy kezge deıin 300 tekshe metr tuz aralastyrylǵan topyraq ázirlendi. Endi qarashada Inder aýdanynan óndirilgen 400 tonna tuzdy jetkizýdi josparlap otyrmyz. Óıtkeni, erte jetkizer bolsaq, aýa raıynyń qubylýyna baılanysty qatyp qalýy múmkin», -deıdi Almas Іzteleýov.
Onyń deregine qaraǵanda, kún saıyn qaladaǵy tazalyq jumysyna 90-ǵa jýyq tehnıka shyǵarylady. Onyń ishinde qoqys jınaıtyn 25 kólik bar. Atyraý qalalyq turǵyn úı-kommýnaldyq sharýashylyq jáne turǵyn úı ınspektsııasy bólimi tarapynan 1 myń qoqys jáshigi satyp alynǵan. Qazir shahar kóshelerindegi arnaıy orynǵa 560 qoqys jáshigi qoıylǵan.
«Qysqy maýsymǵa ázirlik kezinde janar-jaǵarmaıdyń qoryn jasaqtadyq. Eger qar kóp jaýyp, bizdiń kúshimiz jetpeıtin bolsa, iri kásiporyndardyń kómegine júginemiz», - dep málim etti Almas Іzteleýov.
Atyraý qalalyq polıtsııa basqarmasy jol jáne tehnıkalyq ınspektsııa tobynyń memlekettik avtoınspektory Nursultan Quraqbaıdyń aıtýynsha, qazir kommýnaldyq mekemeniń tehnıkalary tekserilip jatyr.
«Qysqy maýsymǵa ázirlik kezinde arnaıy tehnıkalardy tekserýdi bastadyq. Bul jumys 15 qarashaǵa deıin jalǵasady. Tekserý kezinde anyqtalǵan kemshilikter bar. Kásiporyn basshylary men mamandary tehnıkalardaǵy olqylyqtardy túzep, retteýge kiristi», - deıdi Nursultan Quraqbaı.
Al, Atyraý oblystyq jolaýshylar kóligi jáne avtomobıl joldary basqarmasynyń bas mamany Nuraly Ábıshannyń málimetine súıensek, óńirdegi tas joldyń uzyndyǵy 6500 shaqyrymdy quraıdy. Onyń onyń ishinde 1125 shaqyrymyna respýblıkalyq, al, 1911 shaqyrymyna oblystyq mańyz berilgen.
«Óńirde avtomobıl joldaryn kútip ustaý jáne qys mezgiline daıyndaý úshin 123 arnaıy tehnıka, 761 tonna janar-jaǵarmaı, 1500 tonna ınerttik materıal jınaqtaldy. Jergilikti mańyzy bar avtomobıl joldaryn kútip ustaý jumysy merdiger mekemelerge tapsyryldy. Qazir qysqy daıyndaý úshin oblystyq mańyzy bar avtomobıl jolynyń jıegindegi shópti shabý, shuńqyrlardy biteý, jol belgilerin jańartý júrgizilip jatyr. Kún kúrt qubylyp, qolaısyzdyq týyndaıtyn bolsa, oblystyq jáne aýdandyq mańyzy bar, qala jáne eldi mekenderdegi avtomobıl joldarynda qozǵalysty shekteý kezindegi ózara is-qımyl boıynsha tıisti mekemelermen jol kartasy jasaqtalyp, bekitildi», - deıdi Nuraly Ábıshan.
Eske sala ketelik, buǵan deıin Serik Shápkenov «Atyraý-Inder» tas jolynyń sapasyna kóńili tolmaıtynyn aıtqanyn.
