Atyraýda qar aralas jańbyr jaýýy múmkin: TJD eskertý jasady
ATYRAÝ. KAZINFORM — Atyraý oblysynda 3-4 qazanda aýa raıynyń qolaısyzdyǵy kútiledi. Bul týraly Atyraý oblysynyń Tótenshe jaǵdaılar departamenti eskertti.
TJD málimetinshe, óńirde 3-4 qazanda jańbyr, keı jerlerde qar aralas jańbyr jaýýy múmkin. Sonymen qatar aýa temperatýrasy tómendep, jeldiń jyldamdyǵy sekýndyna 15-20 metrge deıin kúsheıedi degen boljam bar.
Tótenshe jaǵdaılar departamenti turǵyndardy saqtyq sharalaryn saqtaýǵa, joldarda abaı bolýǵa jáne aýa raıynyń qolaısyzdyǵyn eskerýge shaqyrdy.
— Turǵyndardan asa qajettilik bolmasa alys jolǵa shyqpaýǵa, kólik júrgizý kezinde jyldamdyqty saqtap, talaptardy qatań saqtaýǵa shaqyramyz. Aýa-raıy týraly eskertýlerdi nazardan tys qaldyrmaı, qaýipsizdik sharalaryn saqtańyzdar, — dedi TJD ókili Nursát Haberov.
Buǵan deıin Almatyda jaýyn-shashynǵa baılanysty kommýnaldyq jáne tótenshe jaǵdaılar qyzmeti qosymsha kúsh pen tehnıkany ázirlegenin jazǵan edik.
