Atyraýda qamys alqaby órtenip jatyr
ATYRAÝ. KAZINFORM — Qyzylqoǵa aýdany Qarabaý aýylynan batysqa qaraı 12–13 shaqyrym jerde qamys órtenip jatyr. Qazirgi ýaqytta eldimekenderge qaýip joq.
Oblys ákimdiginiń málimetinshe, 18 qazanda tirkelgen órtti sóndirýge arnaıy tehnıka men shamamen 30 erikti jumyldyryldy. Sondaı-aq MTZ-82 traktory, órt sóndirý modýli jáne bir júk tıegish jumys istep jatyr.
Ázirge qyzyl jalyn qansha gektardy sharpyǵany belgisiz.
Buǵan deıin Shymkent qalasyndaǵy avtokólikterge tehnıkalyq qyzmet kórsetý ortalyǵynda órt shyǵyp, eki jumysshyny kúıik shalǵanyn jazǵan edik.
