Atyraýda kámeletke tolmaǵan 2 jasóspirim sýıtsıd jasaǵan

ATYRAÝ. KAZINFORM – Atyraýda kámeletke tolmaǵan 2 jasóspirimniń sýıtsıd jasaǵany týraly aqparat tarady. Bul derekti oblystyq polıtsııa departamentiniń baspasóz qyzmeti rastady. 

Polıtsııanyń málimetine súıensek, ózine qol jumsaǵan jasóspirimniń biri — 2009, ekinshisi 2010 jyly týǵan.

— Eki jasóspirimniń óz-ózine qol jumsaý faktisi boıynsha qylmystyq is tirkeldi. Qazir keshendi tergeý sharalary júrgizilip jatyr. Kýágerlerden jaýap alynyp, kámeletke tolmaǵandardyń aralasqan ortasyn jan-jaqty zertteý qolǵa alyndy. Qaıǵyly oqıǵanyń barlyq mán-jaıyn anyqtaý jumysy jalǵasady. Tergeý múddesine sáıkes ózge aqparat jarııalaýǵa jatpaıdy, — dep habarlady departamenttiń baspasóz qyzmeti.

Keıbir telegram arnalarynyń málimetine qaraǵanda, sýıtsıd jasaǵandardyń biri — ul, ekinshisi — qyz. Alaıda, polıtsııa departamentiniń baspasóz qyzmeti qaıǵyly oqıǵanyń qaı kúni, qaı eldimekende bolǵanyn naqtylamady.

Eske sala ketelik, budan buryn Atyraý oblysynda jasóspirimder arasyndaǵy qylmys kóbeıgeninin jazǵan bolatynbyz.