Atyraýda qamaýda otyrǵan er adam ózine qol salyp, kóz jumdy
ATYRAÝ. KAZINFORM – Atyraý qalalyq polıtsııa basqarmasynyń arnaıy qabyldaý ornynda ákimshilik qamaýda otyrǵan er adam óli kúıinde tabyldy.
Aldyn ala málimetke sáıkes, 2026 jylǵy 29 naýryzda arnaıy qabyldaý ornynda 1974 jyly týǵan azamattyń denesi anyqtalǵan. Ol QR Ákimshilik quqyq buzýshylyq týraly kodeksiniń 73 baby 2 bóligi (otbasylyq-turmystyq qatynastar salasyndaǵy quqyqqa qarsy áreketter) boıynsha ákimshilik jazasyn ótep jatqan.
Marqum 25 naýryz kúni 2003 jyly týǵan ulynyń aryzy negizinde 10 táýlikke qamaýǵa alynǵany belgili boldy.
- Óz-ózine qol jumsaý deregine qatysty qylmystyq is qozǵaldy. Oqıǵanyń barlyq mán-jaılary anyqtalyp jatyr. Ózge aqparat tergeý múldesine sáıkes jarııalaýǵa jatpaıdy,-dep málimdedi PD baspasóz qyzmeti.
Buǵan deıin Almaty oblysynda janjal barysynda oq atylǵany jóninde jazǵan edik.
