Atyraýda qaldyq sýda qalǵan balyq shabaqtarynyń bir bóligi qyryldy
ATYRAÝ. KAZINFORM — Atyraý oblysynyń Jylyoı aýdanynda qaldyq sýda qalǵan balyq shabaqtarynyń bir bóligi qyryldy. Jaýapty mekemeler 21 myńnan astam móńke men sazan shabaǵyn qutqaryp, ózenge jiberse, 22,5 keli ólgen shabaq jınalyp, joıyldy.
Jylyoı aýdandyq ákimdiginiń málimetinshe, 25 shildede aýdandyq aýyl sharýashylyǵy jáne jer qatynastary bólimi men Jem aýyldyq okrýgi ákimdigi Turǵyzba aýylyndaǵy ótkelde qalǵan qaldyq sýǵa shoǵyrlanǵan balyq shabaqtaryn qutqarý jumystaryn uıymdastyrǵan.
— Nátıjesinde 21 myńnan astam móńke men sazan balyqtarynyń shabaqtary qutqarylyp, Jem jáne Qur Jem ózenderine jiberildi. Sondaı-aq 22,5 keli ólgen balyq shabaǵy jınalyp, joıyldy.Qazir jaǵdaı turaqty, - dep málimdedi aýdan ákimdigi.
Buǵan deıin óńirge qarasty Qurmanǵazy aýdanyndaǵy Qıǵash jáne Sharon ózenderine ór sýy kelip, keıin ózen deńgeıi bir qalypqa túskennen soń bólinip qalǵan jaıylma sýlardan qutqarylǵan balyq shabaqtarynyń sany 33,9 mıllıonǵa jetkenin jazǵan edik.
