Atyraýda qala kúni toılanbaıdy
ATYRAÝ. KAZINFORM — Atyraýda qala kúnine josparlanǵan barlyq merekelik is-shara ótkizilmeıdi. Bul týraly Atyraý qalasynyń ákimdigi habarlady.
Mańǵystaý oblysynda bolǵan qaıǵyly jaǵdaıdan keıin Atyraý qalasynyń keı turǵyndary áleýmettik jeli arqyly munaıly shahardyń týǵan kúnine josparlanǵan is-sharalardy ótkizbeý týraly usynys bildirgen edi.
Jalpy qala kúnine oraı oblys ortalyǵynda túrli baǵyttaǵy 35-ke jýyq is-shara ótkizý josparlanǵan. Olardyń arasynda san alýan formattaǵy kontsert, baıqaý, týrnır men kontsert bar. Qala bıligi alǵashynda daıyndyqtyń birneshe aı buryn bastalǵanyn aıtyp, is-sharalardy ótkizbeý týraly másele qaralyp jatqanyn málimdegen edi. Búginde ákimdik bir sheshimge kelgen.
— Aqtaý qalasynda bolǵan qaıǵyly jaǵdaıǵa baılanysty Atyraý jurtynyń da qabyrǵasy qaıysty. Atyraý qalasynyń kúnine arnalǵan barlyq merekelik is-shara ótkizilmeıtinin habarlaımyz. Qala turǵyndary men qonaqtarynan qabyldanǵan sheshimge túsinistikpen qaraýdy suraımyz, — dep habarlady Atyraý qalasynyń ákimdigi.
Buǵan deıin Prezıdent Qasym-Jomart Toqaev armııa qaýipsizdigin kúsheıtý boıynsha birqatar sheshim qabyldaǵanyn jazǵan edik.
