Atyraýda ınspektorlardan qashqan brakonerler 12 keli bekireni laqtyryp ketti

Atyraýda bekire tuqymdas baǵaly baǵaly bekire bllyǵyn zańsyz aýlaý tıylar emes. Balyq qoryn qoǵraý ınspektorlarynan qashqan brakonerler 12 keli bekireni laqtyryp ketti, dep habarlaıdy Kazinform.

Jaıyq-Kaspıı oblysaralyq balyq sharýashylyǵy basseındik ınspektsııasynan málim etkendeı, ınspektorlardan qashqan brakonerler 12 keli bekire men 90 metr aýdy laqtyryp ketken.

«Damby balyq ınspektsııasy bóliminiń qyzmetkerleri reıdtik is-shara kezinde Jaıyq ózeniniń Qyzylbalyq aýyly mańynda «Baıda» júrdek qaıyǵyn qýyp jetti. Zańsyz balyq aýlaýshylardan eki qap tárkilendi. Eki qaptyń birinen uzyndyǵy 90 metr kapron toryn, ekinshi qaptan 12 keli 100 gramm bekire balyǵyn tapty. Oqıǵa ornyna polıtsııanyń jedel-tergeý toby shaqyryldy. Polıtsııa qyzmetkerleriniń is júrgizý áreketi QR Qylmystyq kodekstiń belgileri boıynsha sotqa deıingi tergep-tekserýlerdiń biryńǵaı tiziliminde tirkeldi. Aldyn ala málimetke sáıkes, balyq qoryna keltirilgen zalal 12 523 500 teńgeni quraıdy», - dep habarlady oblysaralyq ınspektsııadan.

Eske sala ketelik, buǵan deıin Atyraý turǵyny tıym salynǵan 282,5 keli bekireni zańsyz satpaq bolǵanyn jazǵan edik.