Atyraýda esirtki satý kúdigine ilingen Aqtaý turǵyny ustaldy

ATYRAÝ. KAZINFORM – Aqtaý qalasynyń turǵyny Atyraýda esirtki satpaq bolǵan kezde ustaldy. Kúdikti qamaýǵa alyndy.

Atyraý oblystyq polıtsııa departamenti baspasóz qyzmetiniń aqparatyna qaraǵanda, kúdikti jalǵa alǵan páterde ustalǵan. 

– Aqtaý qalasynyń 29 jastaǵy turǵyny esirtki zattaryn satýdy uıymdastyrdy degen kúdikke ilindi. Polıtsııa qyzmetkerleri kúdiktini Atyraý qalasyndaǵy kópqabatty úıdegi jalǵa alǵan páterden ustady. Kúdiktiniń ýaqytsha jaldaǵan páterine júrgizilgen tintý kezinde jalpy salmaǵy 211,84 gramm bolatyn «Alfa-PVP» esirtki zaty salynǵan 3 zıp-paket pen 40 orama tabyldy.

Esirtki zattary tárkilendi, -dep habarlady departamenttiń baspasóz qyzmeti.

Ustalǵann kúdikti qamaýǵa alyndy. Kúdiktige qatysty qylmystyq is qozǵaldy. 

– Qazir sotqa deıingi tergeý amaldaryn júrgizý bastaldy. Ózge aqparat tergeý múddesine sáıkes jarııalaýǵa jatpaıdy. Іri mólsherdegi esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý, ne ótkizýge baılanysty jasalǵan dál sol is-áreketter úshin múlki tárkilenip, 10 jyldan 15 jylǵa deıingi merzimge bas bostandyǵynan aıyrý qarastyrylǵanyn eskertemiz, -dep málim etti departamenttiń baspasóz qyzmetinen.

Eske sala ketelik, budan buryn Atyraýda esirtki tasymaldaǵan 60 adamnyń arasynda 9 áıel, 3 jasóspirim bolǵanyn habarlaǵan edik.