Atyraýda er adamnan zábir kórip, aýrýhanaǵa túsken áıeldiń jaǵdaıy aýyr
ATYRAÝ. KAZINFORM – Atyraýda ózinen kishi er adamnan zábir kórip, aýrýhanaǵa túsken áıeldiń jaǵdaıy aýyr. Qazir naýqastyń bir jaq qoly men aıaǵynda álsizdik bar.
Atyraý oblystyq densaýlyq saqtaý basqarmasynyń baspasóz qyzmetinen málim etkendeı, er adamnan zábir kórgen áıel 9 maýsymda aýrýhanaǵa túsken.
«Oblystyq aýrýhanaǵa jetkzilgen kezde naýqastyń moıyny men ıyǵynda jaraqaty boldy. Qazir naýqas aýrýhananyń neırohırýrgııa bólimshesinde em alyp jatyr. Onyń jaǵdaıy turaqty, biraq, aýyr. Bir jaq qoly men aıaǵynda álsizdik bar. Biraq, dárigerlerdiń pikirinshe, naýqasqa operatsııa qajet emes. Aýrýhanada turaqty emin jalǵastyrady. Dárigerler naýqastyń jaǵdaıyn jiti baqylaýda ustap otyr», -dep habarlady basqarmanyń baspasóz qyzmeti.
Eske sala ketelik, budan buryn Atyraý polıtsııasy azamattyq nekedegi áıelin óltirýge oqtalǵan er adamdy izdep jatqanyn jazǵan edik.
Atyraý oblystyq polıtsııa departamenti baspasóz qyzmetiniń málimetinshe, atalǵan iske kúdiktiniń jasy – 29-da. Kúdiktiniń 33 jastaǵy áıeldi óltirýge oqtalǵan sáti vıdeokameraǵa túsip qalǵan.
