Atyraýda er adamnan marıhýananyń 60 dozasy tárkilendi

ATYRAÝ. KAZINFORM – Atyraýda esirtki shekken er adam marıhýana taratýǵa tyrysqan. Polıtsııa qyzmetkerleri odan marıhýananyń 60 dozasyn tárkiledi.

Atyraý oblystyq polıtsııa departamentiniń baspasóz qyzmetinen málim etkendeı, «Qarasora» jedel profılaktıkalyq is-sharasy kezinde ustalǵan er adamnyń jasy – 45-te.

«Ekstremızmge qarsy is-qımyl basqarmasynyń qyzmetkerleri esirtki zattaryn taratýmen aınalysqan kúdiktini qylmys ústinde ustady. Tintý barysynda odan 60-qa jýyq doza marıhýana tárkilendi. Medıtsınalyq saraptamanyń qorytyndysymen kúdiktiniń esirtki shekkeni anyqtaldy», - dep habarlady departamenttiń baspasóz qyzmeti. 

Qazir atalǵan derek boıynsha 45 jastaǵy kúdiktige qylmystyq is qozǵaldy. Sotqa deıingi tergeý amaldary júrgizilip jatyr. Ózge aqparat tergeý múddesine sáıkes jarııalaýǵa jatpaıdy.

Eske sala ketelik, budan buryn Atyraýda úıiniń aýlasyna 47 túp qarasora ekken zeınetker ustalǵanyn habarlaǵan bolatynbyz.