Atyraýda er adam nıkab kıgen boıjetkendi aıaýsyz urǵan

ATYRAÝ. KAZINFORM — Atyraýda er adam nıkab kıgen boıjetkendi aıaýsyz uryp, tepkilegen. Polıtsııa kúdiktige qatysty qylmystyq is qozǵady.

Telegram arnalarynda taraǵan aqparatta oqıǵanyń Atyraýda bolǵany jazylǵan. Turǵyn úıdiń kireberisinde er adamnyń boıjetkenge judyryq jumsap, búıirinen soqqan. Keıin tepkeni vıdeoǵa túsip qalǵan.

Birinshi qabattaǵy páterden shyqqan áıel aralasqan soń er adam jónine ketken.

Atalǵan oqıǵanyń mán-jaıyn bilý úshin Atyraý oblystyq polıtsııa departamentiniń baspasóz qyzmetine habarlasqan edik. 

— Kúdikti polıtsııa bólimine jetkizildi. Atalǵan derek boıynsha uryp-soǵý babymen qylmystyq is tirkeldi. Qazir tergeý amaldary júrgizilip jatyr. Ózge aqparat tergeý múddesine sáıkes jarııalaýǵa jatpaıdy, — dep málim etti departamenttiń baspasóz qyzmetinen.

Eske sala keteıik, buǵan deıin Atyraý oblysynda jasóspirimder arasyndaǵy qylmys kóbeıgenin habarlaǵan bolatynbyz.