Atyraýda Ekologııa departamentiniń qyzmetkeri qumar oıynǵa áýestengeni úshin jumystan shyǵaryldy
ASTANA. KAZINFORM — Atyraý oblysynyń Mamandandyrylǵan tabıǵat qorǵaý prokýratýrasy Ekologııa departamentiniń qyzmetkerin sybaılas jemqorlyqqa qarsy zańnama talaptaryn buzǵany úshin jaýaptylyqqa tartty. Bul týraly prokýratýra málim etti.
— Atalǵan memlekettik qyzmetker zańda belgilengen tyıymǵa qaramastan, qumar oıyndarǵa qatysqan. Qadaǵalaý aktisiniń negizinde memlekettik qyzmetke kir keltiretin tártiptik teris qylyq úshin jumystan bosatyldy, — dep habarlady quzyrly organnan.
Sonymen qatar, Ekologııa departamenti basshysynyń orynbasary jáne ekologııalyq baqylaý bóliminiń 7 bas mamany zańnamany buzǵany úshin ákimshilik jaýaptylyqqa tartylǵan (ÁQBtK-tiń 498- babymen, quqyqtyq statıstıka jáne arnaıy esepke alý derekterin usynýdan bas tartý, usynbaý, ýaqtyly usynbaý, jasyrý, qosyp jazý jáne basqa da burmalaýshylyqtar).
Prokýratýra memlekettik organdardaǵy zańdylyqtyń saqtalýy únemi júrgiziletinin aıqyndaıdy.
Buǵan deıin BQO-da lýdomanııaǵa shaldyqqan kásiporyn býhgalteri 118 mln teńge jymqyrǵanyn jazǵan edik.
