Atyraýda eki aýyldy jalǵaıtyn joldy bes kúnnen beri sý basyp jatyr

ATYRAÝ. KAZINFORM — Atyraý oblysyndaǵy Hamıt Erǵalıev-Tańdaı aýyldaryna qatynaıtyn joldyń ústimen besinshi kún qatarynan tasqyn sý aǵyp jatyr.

Atyraý oblysynyń jedel shtabynan málim etkendeı, aýyldary baǵytyndaǵy joldyń ústimen aqqan tasqyn sý áli toqtamaǵan. 

«Sońǵy bes kúnnen beri H. Erǵalıev-Tańdaı baǵytyndaǵy joldy sý basý jaǵdaıy saqtalyp otyr. Sýdyń kóp mólsherde kelýine baılanysty asfalt ta, onyń astyndaǵy topyraqta ta ábden ylǵaldandy. Sol sebepten, atalǵan jol boıynda jazataıym oqıǵalardy boldyrmaý maqsatynda júk qozǵalysyna shekteý engizildi», -dep habarlady oblystyq jedel shtab.

Qazaqstannyń halyq jazýshysy, aqyn Hamıt Erǵalıevtyń atymen atalatyn aýyl Isataı aýdanynda ornalasqan.

Aýyldyń burynǵy ataýy Qamysqala edi. Bul aýyl 1928-1930, 1939-1957 jyldary burynǵy Novobogat, qazirgi Isataı aýdanynyń ortalyǵy bolǵan. 

Al, Tańdaı — Mahambet aýdanyndaǵy Baqsaı aýyldyq okrýginiń ortalyǵy.

Tarıhı derekke qaraǵanda, aýyl mańyndaǵy bıik tóbege Babyl degen baıdyń Tańdaı esimdi qyzy jerlengen. Aýyl ataýy osyǵan baılanysty qoıylǵan. 

Eske sala ketelik, budan buryn Atyraýdaǵy Tańdaı-Hamıt Erǵalıev aýyldaryna qatynaıtyn jolda bóget alynyp jatqanyn jazǵan bolatynbyz.