Atyraýda egizder Quryltaı saılaýynda óz tańdaýyn jasady
ATYRAÝ. KAZINFORM — Atyraý qalasyndaǵy Salyq Zımanov atyndaǵy № 37 jalpy bilim beretin orta mektepte ornalasqan № 256 saılaý ýchaskesine egizder de kelip, Quryltaı depýtattaryn saılaýǵa qatysty.
Aıaýlym men Asylym Saparova, Móldir men Temirlan Ómirserik, Anýarbek pen Ádilbek Isekenov saılaý ýchaskesine birge kelip, óz tańdaýlaryn jasady.
Egizder saılaýǵa birge qatysyp, azamattyq ustanymdaryn bildirdi.
— Búgin birge saılaý ýchaskesine kelip, óz tańdaýymyzdy jasadyq. Daýys berý — ár azamattyń el bolashaǵyna qosatyn úlesi dep oılaımyn. Sondyqtan mańyzdy saıası naýqannan qalys qalmaı, azamattyq mindetimizdi oryndaýdy jón kórdik. Saılaýdan keıin úlken ózgerister kútemiz. Ásirese jastarǵa qoldaý bolady degen úmittemiz, — dedi Temirlan men Móldir Ómirserik.
Aıta keteıik, № 256 saılaý ýchaskesinde daýys berý tańǵy saǵat 07:00–de bastaldy. Saılaý protsesi belgilengen tártipke sáıkes uıymdastyrylyp, azamattar óz tańdaýlaryn jasaýda.
