Atyraýda dúken qoımasynan 40 mln teńgeniń 3 myńǵa jýyq veıp ónimi tárkilendi

ATYRAÝ. KAZINFORM – Atyraý qalasyndaǵy dúkenniń qoımasynda 3 myńǵa jýyq veıp ónimi saqtalǵany anyqtaldy. Tárkilengen ónimniń quny 40 mln teńgeden asady.

Atyraý oblystyq polıtsııa departamentiniń baspasóz qyzmetinen málim etkendeı, veıpter «Quqyqtyq tártip» jedel profılaktıkalyq is-sharasy kezinde tabylǵan. 

– Polıtsııa qyzmetkerleri Atyraý qalasynda veıp ónimderin saqtaǵan 19 jastaǵy turǵyndy ustady. Kúdiktiniń tyıym salynǵan veıpterdi kýrerlik qyzmet arqyly tapsyryspen jóneltip otyrǵany anyqtaldy. Atyraýda qala aýmaǵyndaǵy dúkenniń qoımasyn tintý kezinde 3 myńǵa jýyq veıp ónimi tabyldy. Tárkilengen taýardyń quny 40 mln teńgeden asady, - dep habarlady departamenttiń baspasóz qyzmeti.

Qazir atalǵan derekke qylmystyq is tirkelip, tergeý amaldaryn júrgizý bastaldy.

– Elimizde veıp ónimderin satýǵa tyıym salynǵan. Mundaı ónimderdi zańsyz saýdalaǵany úshin el zańyna sáıkes qatań jaýapkershilik kózdelgenin eskertemiz, - dep málim etti departamenttiń baspasóz qyzmeti.

Eske sala ketelik, buǵan deıin Qulsarylyq kásipkerdiń dúkeninde veıp ónimderi men nasybaı satylǵanyn bolatyzbyz.