Atyraýda departament basshysy óz úıinde óli kúıinde tabyldy
ATYRAÝ. KAZINFORM — Atyraýda Halyqty áleýmettik qorǵaý salasyndaǵy retteý jáne baqylaý komıtetiniń oblystyq departamentiniń basshysy Baýyrjan Asaınovtyń denesi óz páterinen tabyldy.
Aldyn ala málimet boıynsha, marqumnyń denesi 18 qazanda tabylǵan, páterde shamamen eki apta jatqan bolýy múmkin. Oqıǵanyń mán-jaıy men ólim sebebi ázirge naqty belgisiz.
Atyraý oblystyq polıtsııa departamentiniń málimetinshe, atalǵan derek boıynsha qylmystyq is qozǵalyp, keshendi tergeý amaldary júrgizilip jatyr.
Baýyrjan Asaınov 2023 jyldyń 4 qańtarynan bastap departament basshysy qyzmetin atqarǵan. Buǵan deıin prokýratýra organdarynda jáne birqatar memlekettik mekemede jumys istegen.
Buǵan deıin Shymkentte páterden eki balanyń máıiti tabylǵanyn jazǵan edik.
