Atyraýda da mektepterge shabýyl jasalatyn týraly jalǵan aqparat tarady

ATYRAÝ. KAZINFORM — Atyraýda da mektepterge shabýyl jasalatyny týraly jalǵan aqparat tarady. Jergilikti polıtsııa jalǵan aqparatty taratqandarǵa qarsy sotqa deıingi tergeýdi bastady.

Turǵyndardyń úreıin týǵyzatyn aqparat keshe, 25 qańtar kúni keshkisin áleýmettik jelide, WhatsApp jáne Telegram messendjerlerinde tarady.

Atyraý oblysy ákiminiń orynbasary Jasulan Bısembıev bul aqparattyń shyndyqqa janaspaıtynyn málim etti.

«Elimizdiń birqatar qalasynda osyndaı jalǵan aqparattar tarady. Quzyrly organdar tıisti is-sharany qolǵa aldy. Atyraýda 26 qańtarda mektepterdegi sabaq qalypty rejımde ótedi. Qurmetti ata-analar úreıge boı aldyrmańyzdar, tek resmı aqparatqa senińizder. Mektepterde qajetti qaýipsizdik sharalary qabyldanady», -dep málim etti Jasulan Bısembıev.

Al oblystyq polıtsııa departamentiniń baspasóz qyzmeti jalǵan aqparat taratýshylarǵa qarsy sotqa deıingi tergeý bastalǵanyn habarlady.

«Atyraý qalasyndaǵy mektepterde qylmys jasaýǵa daıyndalyp jatqany týraly aqparat taralyp jatyr. Osy derekke qatysty terrorızm aktisi týraly kórineý jalǵan habarlaǵany úshin sotqa deıingi tergep-tekserý bastaldy. Qazir jalǵan aqparatty taratqan adamdardy anyqtaýǵa baǵyttalǵan keshendi jumystar júrgizilip jatyr. Oqý oryndarynyń qaýipsizdigin qamtamasyz etýge, onyń ishinde beınekamera arqyly baqylaý, mektepterge jaqyn tusta polıtsııa jasaqtaryn kóbeıtýge erekshe nazar aýdarylady. Bul habarlamalar turǵyndar arasynda dúrbeleń týǵyzýǵa arnalǵan. Sol sebepten, turǵyndardan arandatýshylyqqa senbeýdi, tynyshtyq saqtaýdy suraımyz», - dep habarlady departamenttiń baspasóz qyzmeti.

Eske sala ketelik, budan buryn Atyraýda mektepke bomba qoıylǵany týraly jalǵan habar berilgenin jazǵan edik.