Atyraýda buryn isti bolǵan adamdar mektepte jumys istegen
ATYRAÝ.KAZINFORM - Atyraý oblysynda buryn sotty bolǵan úsh adamnyń mektepte jumys istegeni anyqtaldy. Bul týraly oblystyq prokýratýranyń baspasóz qyzmeti habarlady.
Málim bolǵandaı, bul azamattar mektepterge kámeletke tolmaǵandardyń jynystyq tıispeýshiligine qatysty jáne densaýlyǵyna qasaqana aýyr zııan keltirgeni úshin qylmystyq jaýapkershilikke tartylǵany anyqtalǵan.
«Joǵary synyp oqýshylarynyń uryp-soǵý faktilerin jáne basqa da quqyqqa qarsy is-qımyldardy jasyrǵany úshin ÁQBtK-niń 127-1-baby boıynsha 5 mektep dırektory ákimshilik jaýaptylyqqa tartyldy» — delingen habarlamada.
Odan ózge oblystyq prokýratýra 16 memlekettik jáne 1 jekemenshik mektepte tyıym salynǵan ınternet-kontentke erkin qol jetkizý faktileri anyqtaǵan. Qazirgi ýaqytta osy saıttarǵa qoljetimdilik shektelip, kináli adamdar ÁQBtK 409-babynyń 7-2-bóligi boıynsha ákimshilik jaýaptylyqqa tartyldy.
«Barlyǵy 129 memlekettik jáne 11 jekemenshik mektep tekserýmen qamtylyp, zań buzýshylyqtardy joıý týraly 91 usynys berildi. 108 zańdy jáne 55 laýazymdy tulǵa ákimshilik jaýaptylyqqa tartyldy, bir adam jalǵan dıplomdy paıdalanǵany úshin qylmystyq jaýapkershilikke tartyldy. Osyǵan uqsas faktiler boıynsha taǵy eki sotqa deıingi tergep-tekserý bastaldy. 353 mln teńge somasyna negizsiz josparlanǵan memlekettik satyp alý toqtatyldy» — delingen prokýratýranyń habarlamasynda.
Osy baǵyttaǵy tekserýler jalǵasatyn bolady.
